Արցախում ադրբեջանական ագրեսիան ետ մղելիս արիաբար նահատակվել է ազգությամբ եզդի զինծառայող Մամիկոն Կասոյանը: 19-ամյա Մամիկոնը Արարատի մարզի Արտաշատ համայնքից էր, ժամկետային զինծառայության էր անցել 2019թ․ ամռանը Մարտակերտում։
Լավ է սովորել դպրոցում, հատկապես մեծ սեր է ունեցել հայոց պատմության նկատմամբ։ Ընդունվել էր ԵՊՀ և մեկնել բանակ։
Արցախում ադրբեջանական ագրեսիայի ու պատերազմի առաջին օրը՝ սեպտեմբերի 27-ին, եզդի զինծառայողը ֆեյսբուք սոցիալական ցանցի իր էջում փոխել է իր գլխավոր նկարը՝ Հաղթելու ենք հեշթեգով։
Մամիկոն Կասոյանի հոգեհանգիստը տեղի կունենա հոկտեմբերի 20-ին, հուղարկավորությունը՝ հոկտեմբերի 21-ին, ժամը 13:00-ին Արտաշատ քաղաքում։