Minority Talks Մարիա Լազարևայի հետ

Հարցազրույց Հունական համայնքների միության նախագահ Մարիա Լազարևայի հետ

Ինքնությունը պահպանելու իրավունք (Պոդկաստ)

Հայերի իրավունքներն էլ են խախտվում, ինչու՞ պետք է եզդիների համար լրացուցիչ իրավունքներ լինեն։ Արդյոք գիտե՞մ իմ մշակույթի մասին։ Արդյոք գիտե՞մ իմ լեզուն։ Գիտե՞մ արդյոք, թե ով եմ։ Արդյո՞ք գիտեմ, թե իմ պապերը որտեղից են եկել Հայաստան։

Nexşê Wetan եզդիական անսամբլ

Հայրենիքի նախշեր (Nexşê Wetan) երաժշտական անսամբլը շարունակում է իր աշխատանքը։ Շուրջ երկու ամիս է 7-18 տարեկան եզդի երիտասարդները հաճախում են վոկալի դպրոց։ Դասընթացների արդյունքն այս կարճ ժամանակահատվածում արդեն տեսանելի է։ Ուսումնական փուլն ավարտելուց հետո անսամբլը հանդես կգա համերգային ծրագրերով Հայաստանի եզդիաբնակ մարզերում։ Նախագծի նպատակը եզդիական հին ֆոլկլորիկ երգերն ու երաժշտությունը վեր հանելը, դրանց նոր շունչ […]

previous arrow
next arrow
Slider
Home > Լուրեր > Ազգային փոքրամասնությունների երեխաների դասավանդումը պետք է կատարվի իրենց մայրենի լեզվով․ ՄԱԿ-ի հատուկ զեկուցող

Շվեյցարիայի Ժնև քաղաքում ընթանում է Մարդու իրավունքների խորհրդի հիմնական նստաշրջանը:

Զեկույց է ներկայացրել ազգային փոքրամասնությունների հարցերով ՄԱԿ-ի հատուկ զեկուցող Ֆերնանդ դե Վարենը։

Զեկույցը ներկայացնելիս ՄԱԿ-ի հատուկ զեկուցողը մասնավորապես նշեց, որ ազգային փոքրամասնություններին պատկանող երեխաների համար դասավանդումը պետք է կատարվի իրենց մայրենի լեզվով և այնպես, որ հնարավոր լինի հասնել ներառական և որակյալ կրթության։

«Ազգային փոքրամասնության մայրենի լեզվով կրթությունը, որը զուգորդվում է պաշտոնական լեզվի որակյալ դասավանդմամբ, երկարաժամկետ առումով ավելի արդյունավետ է, նվազեցնում է կրթությունից դուրս մնալու ցուցանիշները, զգալիորեն նպաստում է ավելի բարձր առաջադիմության մակարդակի ապահովմանը, հատկապես աղջիկների դեպքում, բարելավում է գրագիտության, ինչպես նաև մայրենի ու պաշտոնական կամ մեծամասնության լեզվին առավել սահուն տիրապետելու մակարդակը»․- իր խոսքում նշեց Ֆերնանդ դե Վարենը։

Իր զեկույցում ՄԱԿ-ի փորձագետը նշեց, որ ազգային փոքրամասնությունների լեզուների պատշաճ և համաչափ օգտագործումը կրթության մեջ կարող է մեծացնել ազգային փոքրամասնությունների անդամների և պետական մարմինների միջև հաղորդակցման և վստահության մակարդակը:

«Բնիկ կամ ազգային փոքրամասնությունների երեխաները կունենան ավելի բարձր առաջադիմություն և ավելի երկար կսովորեն դպրոցում, երբ նրանք ուսուցանվեն այնպիսի լեզվով, որի հետ նրանք առավել ծանոթ են, որպես կանոն՝ դա մայրենի լեզուն է․․․ Այս պարագայում, մանավանդ, երբ նրանք ավելի երկար են սովորում դպրոցում, նրանք ոչ միայն կունենան իրենց մայրենի լեզվի ավելի ամուր հիմք և գրագիտություն, այլև կկարողանան ավելի լավ տիրապետել պաշտոնական կամ մեծամասնության լեզվին »:

«Ներառական և որակյալ կրթությունը լեզվական փոքրամասնությունների անդամների համար նշանակում է, թե որքանով է դա հնարավոր իրականացնել մայրենի  լեզվով»։  Ազգային փոքրամասնությունների լեզուն որպես ուսուցման միջոց չօգտագործելը, երբ դա հնարավոր է, նշանակում է այնպիսի կրթություն տալ, որը չունի նույն արժեքն ու ազդեցությունը»։

Հատուկ զեկուցողը կոչ արեց գործնական ուղեցույցներ մշակել ազգային փոքրամասնությունների  իրավունքների իրականացման և կրթության ոլորտում նրանց լեզուների օգտագործման վերաբերյալ:

Հիշեցնենք, որ Հայաստանը անցած տարվա հոկտեմբերին ընտրվել է որպես ՄԱԿ-ի Մարդու իրավունքների խորհրդի անդամ պետություն

Your email address will not be published. Required fields are marked *

*