Ազգային փոքրամասնություններին պատկանող անձանց մասնակցությունը պետության գործերին և այն երկրի քաղաքական, տնտեսական, սոցիալական և մշակութային կյանքի բոլոր ոլորտներում, որտեղ նրանք ապրում են, շատ կարևոր է նրանց ինքնության պահպանման և սոցիալական օտարացման դեմ պայքարի համար:
Անհրաժեշտ են մեխանիզմներ, որպեսզի ապահովվեն այնպիսի պայմաններ, որ հասարակության բազմազանությունը ապահովող փոքրամասնությունների խմբերի առկայությունը արտացոլվի պետական հաստատություններում, ինչպիսիք են ազգային խորհրդարանները և քաղաքացիական ծառայությունը, ներառյալ ոստիկանությունը և դատական համակարգը, և փոքրամասնություններին պատկանող անձինք ունենան համապատասխան ներկայացուցչություն, և նրանց կարծիքները հաշվի առնվեն նրանց կամ նրանց տարածքի և տարածքների վրա ազդող որոշումների կայացման ժամանակ: Նման մասնակցությունը պետք է լինի արդյունավետ, ոչ թե միայն խորհրդանշական: Այնուամենայնիվ, պետք է ընդունել, որ, օրինակ, փոքրամասնությունների մասնակցությունը ընդհանուր առմամբ ոչ արդյունավետ և ոչ բավարար է, և նրանց խնդիրներին պատշաճ ուշադրության չեն արժանացնում:
Ազգային փոքրամասնություններին պատկանող կանանց մասնակցությունը առանձնահատուկ խնդիր է իրենից ներկայացնում։
Որպեսզի ազգային փոքրամասնություններին պատկանող անձանց մասնակցությունը լինի արդյունավետ, բավարար չի պետության կողմից նրանց ձևական մասնակցության ապահովումը․ Պետությունները պետք է նաև քայլեր ձեռնարկեն ՝ ապահովելու համար, որ փոքրամասնությունների մասնակցությունը էական ազդեցություն ունենա ընդունված որոշումների վրա, դրանով իսկ ապահովելով, որ հնարավորության սահմաններում նրանք համահեղինակ լինեն այդպիսի որոշումների կայացմանը։