Ազգային փոքրամասնությունների ներկայացվածությունը հանրակրթական ծրագրերում -

Այս անգամ մեր ուշադրության կենտրոնում ՀՀ #դպրոցների հանրակրթական ծրագիրն է, որտեղ, ըստ էության, և, ըստ միջազգային փաստաթղթերով ՀՀ ստանձնած պարտավորությունների, պետք է բավարար չափով անդրադարձ կատարվի ՀՀ-ում բնակվող #ազգային փոքրամասնությունների իրավունքներին, նրանց կյանքի, կենցաղի, մշակույթի, լեզվի, կրոնի առանձնահատկություններին։

Սակայն թե՛ միջազգային փաստաթղթերի փորձագիտական խմբերը, և թե՛ իրավապաշտպաններն ու ոլորտի մասնագետները խոսում են այն բացի մասին, որ ՀՀ Հանրակրթական դպրոցների ուսումնական ծրագրերում ներգրավված չէ բովանդակային այնպիսի տեղեկատվություն, որը լիովին, ողջամիտ կերպով ու ծավալով, օբյեկտիվորեն կներկայացնի Հայաստանում ապրող ազգային փոքրամասնություններին, վերջիններիս մշակույթն ու պատմությունը: Այլ բան է նշում կրթության ոլորտի կազմակերպմամբ զբաղվող մարմինը՝ թվարկելով այն բոլոր առարկաները, որտեղ այս կամ այն չափով անդարադարձ կատարվում է ՀՀ տարբեր ազգային փոքրամասնություններին։