«Առաջին Հանրապետություն և եզդիներ»․ Խիրատ Մեդիայի վավերագրական ֆիլմը, որը պատմում է Առաջին Հանրապետության և Մայիսյան հաղթանակների կայացման գործում եզդիների անգնահատելի դերի և մասնակցության մասին։ ՀՀ առաջին հանրապետության կայացման գործում նշանակալի ներդրում ունեցավ նաև Արևմտյան Հայաստանից 1915 թվականին հայերի հետ միասին ցեղասպանությունից փրկված և Արևելյան Հայաստան տեղափոխված եզդի ժողովուրդը։ Այդ ժողովուրդը ծնեց զավակներ, որոնք հայերի հետ ձեռք ձեռքի տված կռվեցին իրենց ընդհանուր թշնամու դեմ և կարողացան մայիսյան հաղթանականր կերտելուց հետո ստեղծել իրենց ընդհանուր հայրենիքը։ 1918թվականին Սարդարապատի և Բաշ-Ապարարանի ազատամարտերին հայերի հետ կողք կողքի մասնակցեցին նաև եզդիական ջոկատները՝ Ջհանգիր աղայի և Ուսուբ բեկի հրամանատարությամբ ։ՀՀ առաջին խորհրդարանն ունեցավ առաջին եզդի պատգամավորը՝ Ուսուբ Բեկ: