Սեպտեմբերի 25-ին Հայաստանի 8 մարզերի 18 համայնքներում անցկացվեցին ՏԻՄ ընտրություններ։
Արագածոտնի մարզի եզդիաբնակ Ալագյազ խոշորացված համայնքում ևս տեղի ունեցան ընտրություններ։
Նշենք, որ Ալագյազը միակ համայնքն էր, որտեղ համայնքի ղեկավարի և ավագանու անդամների ընտրություններն անցկացվեցին մեծամասնական ընտրակարգով՝ ի տարբերություն մնացյալ համայնքների, որտեղ ավագանու ընտրություններն անցկացվեցին համամասնական ընտրակարգով:
Ալագյազում առաջադրված էին անկուսակցական, համայնքի գործող ղեկավար Ջասմ Մախմուդովը և ՔՊ-ն ներկայացնող Անզոր Ուռուսյանը։
ԿԸԸ հրապարակած տվյալների համաձայն՝ Ալագյազ եզդիաբնակ համայնքում ՏԻՄ ընտրություններին մասնակցել են 1254 ընտրողներ կամ ընդհանուր ընտրողների 46,6 %-ը։ Այստեղ 773 քվեով հաղթանակ է տոնել անկուսակցկան Ջասմ Մախմուդովը, մյուս թեկնածուն՝ Անզոր Ուռուսյանը ստացել է 444 քվե։