Երևանի ընդհանուր իրավասության դատարանում այսօր կայացավ եզդի իրավապաշտպան Սաշիկ Սուլթանյանի գործով հերթական դատական նիստը։
Նիստի ընթացքում դատարանը քննարկեց դատախազության կողմից բերված գրավոր ապացույցների ևս մի մաս, որոնք այս անգամ իրենց մեջ պարունակում էին Սաշիկ Սուլթանյանի գրասենյակի և բնակության վայրի խուզարկությունները, փաստաթղթեր և ձայնագրություններ, որոնք մեղադրող կողմի կողմից բերված էին իբրև ապացույց։
Մինչ ապացույցների քննությունը, դատարանը բավարարեց Սաշիկ Սուլթանյանի պաշտպանների միջնորդությունն առ այն, որ մայիս ամսին մասնագիտական գործունեությունից ելնելով Սաշիկ Սուլթանյանը բացակայի ՀՀ-ից։