+374 93 331-663
Մեր կողքին հաղորդաշարի հերթական հերոսը Տիգրան Իզրյանն է։
Նա այն եզդի երիտասարդներից է, ով իր փորձով և հաջողության պատմությամբ ցանկանում է իր՝ եզդիական համայնքի երիտասարդներին ոգևորել և ուղղորդել նրանց դեպի կրթություն։
Տիգրանը 23 տարեկան է, մասնակցել է Արցախյան 44օրյա պատերազմին, վերադարձել է և շարունակել կրթությունը, սովորում է Երևանի պետական համալսարանում, աշխատում՝ Մեծամորի համայնքապետարանում։ Այս ամենին զուգահեռ նշում են, որ նա նաև փայլուն ֆուտբոլիստ է։
Տիգրանն այն համոզմանն է, որ կրթվելու և հաջողությունների հասնելու նախաձեռնողականությունը պետք է լինի երիտասարդների կողմից, սակայն շատ կարևոր է, որ ընտանիքը, ծնողները ևս կարևորեն կրթությունը և աջակցեն երիտասասրդներին։ Նա կարծում է, որ դրա համար պետք է առաջին հերթին աշխատել եզդիական համայնքների ընտանիքների հետ։
