ℹ Նշանավոր եզդի բանաստեղծ Ֆերիկե Ուսըվը ծնվել է 1934թ․ նոյեմբերի 2-ին Հայաստանի Արագածոտնի մարզի Փամփ (հիմա՝ Սիփան) գյուղում։ Նրա նախնիները Հայաստան են եկել Կարսի Յամանչիար գյուղից։
? Ֆերիկե Ուսըվի տուն-թանգարանը գտնվում է Արագածոտնի մարզի Սիփան գյուղում: Այն միակ եզդիական թանգարանն է Հայաստանում։
Օ՜ Լեռներ
Գարուն բացվեց, սարվորները բարձրացան վերև,
Իմ սիրտն էլ ցավով լցվեց, օ՜ լեռներ,
Հոտի ետևից գնացի, բարձրացա սարեր,
Ողջու՜յն ձեզ, բարև, օ՜ լեռներ։
Ես երեսուն տարի քայլեցի ձեզ հետ,
Ձեր բուրմունքով ու գույներով արբեցա, օ՜ լեռներ,
Բայց կրկին ձեզնից չկշտացա,
Ձեր տեսքից չհագեցա, օ՜ լեռներ։
Ես ձեր քառասուն աղբյուրից ջուր եմ խմել, օ՜ լեռներ,
Երանի դրանցից մեկը դառնար բակի աղբյուր,
Ես տեսնեի ձեր պատկերը,
Չմնայի ձեր կարոտով, օ՜ լեռներ։
Հայերեն թարգմանությունը՝ Xirat Media