Եզդիական համայնքում հատկապես սուր են կրթական խնդիրները։ Եզդի երիտասարդներից քչերն են շարունակում կրթությունը։ Պատճառներն են՝ վաղ ամուսնությունները և կրթության չարժևորումը։ Քիչ չեն նաև դեպքերը, երբ երիտասարդները ցանկություն ունեն սովորելու, սակայն ծնողները չեն կարողանում վճարել ուսման վարձը։
Թեև վերջին տարիներին որոշակի դրական միտումը նկատելի է և տարեցտարի բարձրագույն կրթություն ստացող երիտասարդների թիվը ավելանում է, այնուամենայնիվ ընդհանուր տենդեցները գոհացնող չեն․ շուրջ 36 հազար բնակչություն ունեցող եզդիական համայնքից ներկայումս բարձրագույն կրթություն է ստանում 40 ուսանող։ Խիրատ
Մեդիան մեկնարկել է մեդիաարշավ՝ «Նպաստելով կրթության դերի բարձրացմանը եզդիական համայնքում» խորագրով։ Նպատակն է եզդի երիտասարդների շրջանում առաջացնել ձգտում դեպի բարձրագույն կրթությունը։