Ադրբեջանի կողմից սանձազերված լայնածավալ ռազմական հարձակման արդյունքում Արցախի Հանրապետության տասնյակ հազարավոր քաղաքացիներ տեղահանվել են իրենց տներից, իսկ երեխաները հակամարտության առավել խոցելի զոհերն են:
«Նվեր-փաթեթ արցախցի փոքրիկների» սոցիալական նախաձեռնությունը ստեղծվել է Արցախից տեղահանված երեխաների առօրյան փոքր-ինչ թեթևացնելու և հարմարավետ դարձնելու համար: Նվեր-փաթեթը պարունակում է հիգիենայի և անձնական խնամքի անհրաժեշտ պարագաներ, ինչպես նաև գրքեր և խաղեր` ըստ տարիքային խմբի:
Նախաձեռնությունը կարևոր է ոչ միայն անձնական օգտագործման և հիգիենայի իրեր տրամադրելու, այլև Արցախից տեղահանված երեխաներին ուշադրություն և ջերմություն ցուցաբերելու համար: «Նվեր–փաթեթ արցախցի փոքրիկներին» նախաձեռնությունն իրականացվում է անհատ քաղաքացիների և Մարդու Իրավունքների Եզդիական Կենտրոնի աջակցությամբ: Մեր գործընկերների շնորհիվ մենք հնարավորություն ունենք ձեռք բերել անհրաժեշտ պարագաները շուկայականից ցածր գներով, ինչի արդյունքում յուրաքանչյուր նվեր-փաթեթի ինքնարժեքը կազմում է 5000 դրամ (10 դոլար):
Նախաձեռնությանը կարող եք աջակցել մասնակցելով այս դրամահավաքին՝
https://www.facebook.com/donate/377991960069552