Կայացավ «Ալագյազ երիտասարդական ակումբ»-ի ամփոփիչ միջոցառումը, որն իրականացնում էր «Մարդու իրավունքների եզդիական կենտրոնը»՝ «Պրահայի քաղհասարակության կենտրոն»-ի աջակցությամբ։
Երիտասարդական ակումբի գլխավոր նպատակն էր երիտասարդական հարթակի ստեղծման միջոցով նպաստել եզդի փոքրամասնության շրջանում երիտասարդական ակտիվիզմի զարգացմանը, բազմամշակութայնության տարածմանն ու արդյունավետ ներառականությանը։
Դասընթացների ընթացքում մասնակիցները ձեռք բերեցին ընդհանուր գիտելիքներ հաղորդակցության և մեդիագրագիտության մասին, քաղաքական ու քաղաքացիական մասնակցության կարևորության մասին, ծանոթացան երիտասարդական ակտիվիզմի կարևորությանը, ազգային փոքրամասնությունների իրավունքներին, առաջնորդության և թիմային աշխատանքի առանձնահատկություններին։