Այսօր հյուրընկալվել էինք Ռյա Թազա գյուղ՝ եզդիական ամենագեղեցիկ տոներից մեկին ներկա գտնվելու, քանի որ հայաստանաբնակ եւ աշխարհի եզդիները թխում են տարեսկզբի Կլոճը։
Կլոճը եզդիների մոտ նշվում է մարտի (adar) 14-ից հետո, առաջին չորեքշաբթի օրը: #Կլոճ նշանակում է գաթա կամ թխվածք, որն ըստ որոշ տարբերակների համարվում է արևի կամ աշխարհի սիմվոլը:
Կլոճը թխում են յոթ համից (ալյուր, կարագ, ջուր, շաքարավազ, աղ, թթվասեր, հավկիթ) և սովորաբար, ուլունք են դնում խմորի մեջ, որը ներկայումս փոխարինվել է մետաղադրամով։
Սիրով շնորհավորում ենք բոլոր եզդիներին այս գարնանային գեղեցիկ տոնի առթիվ։